Vuelonan pa Barcelona pa solamente poco euro mester ser haci imposibel mediante e introduccion di un prijs minimo pa e ticket di avion, esaki ta segun e parlamentarionan di e partido liberal democratico D66 D66 evita cu e aerolineanan bende ticketnan a un prijs hopi abou na medida cu nan aumenta e biahe aereo un bes mas na rais di e crisis di coronavirus. Ta probabel cu e aerolineanan intenta mantene nan rutanan pa mantene na derechonan di aterisahe na Shiphol, e vocero di aviacion di D66 Jan Paternotte bisa.
“ Y pa yena e avion cu na ta bay reduci e prijs, nan lo bende ticket hopi abou di e prijs di costo”, el a bisa. “ Tur hende a compronde cu no por biaha pa Thessaloniki pa 10 euro y un prijs minimo hustamente pa biaha tambe lo aumenta e biahe di trein”. Paternotte awo kier cu e minister di infrastructura Cora van Nieuwenhuizen elabora e opcionnan pa implementa e medida. E costo minimo di biahe, incluyendo impuesto y e derechonan di aterisa, lo ta alrededor di 34 euro, el a bisa.
GroenLinks ya a bisa cu lo respalda un prijs minimo di ticket, despues di e decision di Austria di trece un minimo di 40 euro como condicion pa rescata e aerolinea estatal Austrian Airlines. Y segun e emisora NOS, ChristenUnie tambe ta respalda e plan.
