Dos homber a wordo aresta den e investigacion riba un curpa haya lora den plastic y hundi cu peso den un lago na Haarlem. E restonan di Gregori Lindomar Maduro, di 31 aña di edad for di Aruba, a ser haya april ultimo na Mooie Nel, un area recreativo na Haarlemn.
E dos sospechoso di 33 aña di edad, un di Haarlem y un di IJmuiden, a ser tuma den custodia diamars. Polis ta bisa cu nan ta sospechoso di tin un rol den morto di Maduro. Polis no a bisa con Maduro a fayece, revelando solamente cu probablemente un acto criminal a conduci na e morto.
Ambos sospechoso tabata den custodia restringi, y tabata permiti pa tin contacto solamente cu nan abogado. E caso no ta cera oficialmente, y polis tabatin speransa cu mas testigo of persona cu informacion por bin dilanti pa papia cu detectivenan.
Maduro tambe tabata conoci como ‘Greg’ y ‘Lindomar’. El a pasa varios aña na Hulanda, principalmente na Haarlem, segun polis a bisa poco despues cu a descubri su curpa. No tabata sa nada di su paradero for di 1 di maart te cu 7 di april, ora cu a haya e curpa sin bida.
Centenares di persona a expresa nan duelo riba pagina di Facebook personal di Maduro den e dianan prome cu su funeral dia 20 di april ultimo.
