Nos ta acercando e dia grandi 25 di Juni. 2021 caminda Aruba por bay scoge nan partido y personanan cu lo bay representa nan den nos parlamento, un organo caminda husticia, respet y ordo mester ta na su luga. Pero lamentablemente por a mira den ultimo temponan cu esaki no ta tumando luga, leynan ta wordo kibra links en rechts, blunder tras di blunder y juist den tempo cu tur organo encuestion mester yuda traha hunto pa hiba Aruba den un miho futuro.

Y ta pesey nos di partido Curpa kier a pa Aruba conoce e programa di gobernacion “Ban Transforma Aruba” CURPA ta kere cu e programa aki mester yega den tur cas na Aruba pa nos por tin un chance pa soluciona hunto cu e partidonan grandi e problematica nan grandi cu nos pais ta pasando aden. Retonan grandi pero no imposibel.

Nos ta spera cu e biaha aki boso lo respalda nos den un masa, poniendo un banda boso agenda politico y pensa ariba pais Aruba. Nos no tin nada contra boso y nos no tin nada di sconde. Un cos sigur nos kier, ta pa DEMOCRACIA briya ariba e pida baranca aki cu tanto nos ta stima y nos ta spera cu boso tambe tin mes un amor pa pais Aruba cu nos.

Pesey nos ta bringa pe

Partido CURPA : Fundeshi nobo – Transformacion di politica

• Fundeshi politico nobo sin AVP y MEP den gobernacion

• Elimina e sistema di patronahe politico door di saca nombracion di ambtenaar for di man di minister

• Introduci un sistema di referendum

• Cambia ley electoral cu esnan cu mas voto ta drenta parlamento

• Limita e periodo cu un parlamentario y minister por sirbi su pais

STRUCTURA ESTATAL – NO na COHO NO na landspakket

• Sin AVP y MEP den gobierno no tin COHO y landspakket

• Cu CURPA den gobierno lo kita tur medida den landspakket

• Structura estatal nobo basa ariba un aliansa strategico

ECONOMIA Y TURISMO – Nos ta e solucion

• Stakeholders y pueblo ta inverti y ta accionista den NV’s cu ta desaroya proyectonan grandi, exitoso y cu

ganashi pa activa e economia

• Stakeholders y pueblo lo inverti den un teleferico for di lighthouse pa Baby beach cu paro na Arikok

• Stakeholders y pueblo lo inverti den un fast ferry pa pasahero y cargo

• Pilar economico nobo di remede di tera legal cubri door di AZV cu si ta exitoso lo benificia e salud y e economia

• Baha e winstbelasting pa 15% pa stimula economia

• Tur benta via e-commerce local ta paga 7.5% winstbelasting

• Sistema nobo di belasting di 3 tarifa cu lo pone mas placa den bo cartera y den esun di e negoshi chikito

• 2 miyon turista den 4 ana door di laga stakeholders y pueblo inverti den un Aruba tourism NV cu lo ta e thinktank

di turismo

FINANSAS PUBLICO – Baha gasto, baha debe y traha dam

• Pidi kwijtschelding parcial na fiadornan pa despues consolida e debenan cu un interest mas abou

• Balancia presupuesto 2022 pa dilanti

• Baha gastonan di presupuesto di biahenan, servicio di consultant, huurmento di edificio y goederen en diensten

• Maximo di 7 minister cu cada un maximo 10 coordinador

• Independisa, automatisa y digitalisa tareanan

• Areglo di VUT atractivo di 5 aña

• Mas entrada sin medida door mas actividad economico y entrada di turism levy tax

• BTW di 12.5% no lo wordo introduci manera e ta

• Mitar di surplus lo wordo usa pa paga debe otro mitar pa traha dam

SALUBRIDAD PUBLICO – Bo salud no tin prijs

• Afspraak cu dokter di cas mes un dia

• Tur dokter di cas mester tin servicio di bishita na cas, consulto via video y tin cierto ekiponan pa detecta y trata

problemanan di salud

• Baha lista di espera pa specialista

• Baha lista di espera pa haci test y operacion

• Amplia e pakete di AZV cu remede di tera produci na Aruba, tratamento alternativa, uso di segundo opinion, bril y

limpieza di diente y seguro di biahe

• Amplia Imsan pa un hospital academico, cu lo presta mas servicio di cuido pa nos pueblo pariba di brug

• Pone dokter y hospital responsabel pa fout cometi na e patient

• Tur edad ta conta y dokter mester haci tur cos posibel pa tene patient na bida

• No lo manda patient Colombia pero sea Corsou of Hulanda

• No lo corta den cuido medico pero lo baha gasto sin perde calidad door di kita e middle man di remede, habri

mercado pa clinica y negosha prijs pa servicio y test

• Lo cambia PCR test pa Antigen test na aeropuerto

• Lo sigui proceduranan den ley infectieziekten pa combati covid-19 of cualkier otro virus

• No lo obliga ningun ciudadano cu no kier pa tuma e vacuna contra covid-19

• Residentenan no ta paga pa test na aeropuerto

• Lo saca un decreto cu ningun com

AD – Husticia recto y cuerpo policial corecto

• Parlamento mester nombra hueznan y PG cu ta compronde normanan y balornan di comunidad

• Bin cu un corte chikito cu ta atende casonan na unda sumanan di placa chikito ta involvi

• Bin cu un verkorte opleiding di polis di 14 luna pa tin mas liher polis ariba caya

• Mas ekiponan moderno manera body y dashboard camera, drone y computer den auto di polis

• Bin cu un sistema di amber alert na unda e pueblo ta wordo proteha contra criminalnan

• Proteha mucha contra pedofiel door di registra pedofiel, background check di pedofiel, pedofiel no por ta 100

meter di circania di mucha y skol y tur pedofiel lo wordo publica den corant

ENSENANSA – Un ensenansa conecta

• Introduci oranan di les flexibel na skol

• Introduci tablet den ensenansa

• Bin cu un sistema di evaluacion pa maestronan

• Introduci tweetalig onderwijs TTO

• Bin cu e opcion di homeschooling

• Bin back cu becanan pa studiantenan

OBRANAN PUBLICO Y MEDIO AMBIENTE – Conserva naturalesa cu progreso

• Mega proyecto San Nicolaas ad beyond cu lo stimula economia di Aruba y

• No mas permiso pa construccion di hotel y condo

• Cera dump di pakietenbos y exporta e sushi

• Bin cu un planta di recycling na San Nicolaas

• Separa suhi di cas for di sushi grof y y recohe sushi grof 1 biaha pa siman

• Prohibi cobamento di pa santo y graniet cu ta crea dump illegal

• Bin cu un sistema di statiegeld ariba bleki y glas pa tene Aruba limpi

• Bin cu ley cu ta proteha certo flora y fauna

IMMIGRACION – Aruba prome

• Para tur permiso di trabou pa 1 aña pa proteha y stabilisa e mercado laboral

• Introduci un 60/40 regeling na unda companianan mester tin 60% trahador cu nacionalidad Hulandes den

servicio

• Deporta ilegal despues di un periodo di gracia

• No lo duna amnesty na esnan indocumenta

ASUNTONAN SOCIAL Y LABOR – Calidad y oportunidad

• Hisa bijstand pa 1000 Florin pa luna trahando 3 dia pa siman pe

• Lo termina FASE y pasa nan over pa bijstand

• Subi bijstand di handicap pa minimumloon

• Bin cu varios beneficionan pa nos grandinan pa hisa nan calidad di bida

• Hisa subsidio pa fundacionan cu realmente por haci un diferencia den e calidad di bida pa un persona

• Stimula doño di trabou pa duna trabou na esnan cu ta den bijstand largo, ex-preso y esnan cu limitacion fisico

AGRICULTURA, CRIA DI BESTIA Y PESCA – Aruba ta produci

• Bin cu plantacion rond Aruba ariba huurterrein pa produccion local

• Motiva famianan pa planta na cas usando sistema hydroponic pa uso personal

• Nos lo kita tur limite pa pisca den lama pa tin basta pisca na Aruba

• Via un Public Pueblo Partnership crea un mercado di pesca grandi pa exportacion

• Importacion di baca y carne pa nos tin nos mes un carne y lechi

• Bin cu un sistema di reverse osmosis pa filtra awa di lama pa plantacion

• Educacion y instruccion con pa traha y usa un greenhouse

TRANSPORTE Y MEDIA – Mobilidad y un Aruba informa

• Nos lo bin cu un aerolina na unda stakeholders y pueblo lo inverti

• Nos lo bin cu un sistema di taxi comparti pa nos grandinan y esnan cu limitacion fisico

• Aerolinanan mester paga pasaheronan un recompensacion si tin retraso di mas cu 3 ora

• Internet di 2G gratis ariba henter Aruba

Libertad y oportunidad ta prosperidad