MERCA – Un homber su curpa sunu a wordo haya riba un isla cerca di Connecticut 23 aña pasa. Finalmente e curpa a ser identifica 23 aña despues, pa motibo di un buskeda di un base di datonan nacional actualisa pa fingerprints.
E homber, Landbero Quintero, ta ainda un misterio pa autoridad. E polis di Norwalk a bisa cu ta spera di hiba e informacion na e familiarnan. Pero ainda no a logra di identifica ningun miembro di e famia. “Realmente nos no sa mucho di e homber aki”, polis Art Weisgerber a bisa.
Nan ta continua bisa cu no tin ningun adres, niun dato di persona cu ta desapareci, ningun persona nunca a denuncia na un agencia. Quintero tabata tin 24 aña di edad y a nace na Mexico, segun e registro di un aresto na 1993 pa drenta sin permiso na Norwalk. Weisgerber ta kere cu Quintero no tabata tin un luga pa biba.
E curpa di Quintero a wordo haya na Shea Island na Long Island, dia 18 di April 1996. No tabata tin señal di trauma. E consultorio di medico forense ta a yega na conclusion cu e tabata morto di 8 pa 10 luna, pero no por determina e causa of forma di morto.
Unabes cu actualisa e base di dato, Weisgerber a pidi laboratorio estatal pa examina e fingerprints di e curpa. Un experto di laboratorio a yama pa bisa cu e identificacion ta positivo. Tur locual cu sa di Quintero ta cu el a biba den area un 3 luna, despues di aresto na 1993, curpa na 1996 y su potret di reserva 1993 di Quintero.
