ALABAMA – Diadomingo atardi, noticia a informa cu un tormenta lo acerca e ciudad y pa mantene atento cu e noticia di clima. E tormenta a yega y David Dean, di 53 aña, no a logra sali afo. Su curpa a ser haya na otro banda di e bisiña su cura.
“Nos yiu a haya e curpa, mi bida a bay cune. E tabata mi rason pa biba, mi motibo di lanta”, su esposa a bisa na yoramento. Casnan mobil ta mara na e palonan grandi y destrosa di un forma no reconocibel.
Riba dia di e desaster, boluntario a uza mashin pa asina por tin espacio pa e trahado di emergencia por haci nan trabou. Bisiña y amigo a yuda otro pa lanta e destruccion. Segun e coronel di e ciudad a bisa cu pa Beauregard tin dia pa lamenta e suceso di nan bario y cu pronto lo cuminsa entrega e curpa pa nan funeral.
Despues di e tormenta, sra. Dean a core di trabou bay cas, pa asina bisa un ultimo ayo na su casa, kende tabata un persona cu tabata stima su brommer di Harley Davidson. El a pusha e autoridad cu a keda hala hende atras di e area. Pero sra. Dean a pasa pa ta cu e curpa di su casa. “Nan a hiba mi na su crupa, y mi por a pasa un tiki tempo cune prome cu nan a hib’e”, el a finalisa bisa.
Binti tres persona a perde nan bida durante e tornado mas mortal di e pais den seis aña. E mas jong tabatin 6 aña y e mas bieu 89. Un famia extendi a perde shete miembro. Nan storia a bira enfoke ayera, ora cu nan nomber a wordo revela.
