Despues di un siman polis haya sa e identidad di e persona cu a ser haya morto siman pasa den e lago Mooie Nel cerca di Haarlem. A haya un hende homber di 31 aña di edad y no tin residencia permanente o residencia. Esaki ta locual polis di Noord-Holland a bisa De Telegraaf.
Diamars siman pasa personanan cu tabata pasando a wak un saco grandi di plastic flotando na e peninsula di Schoteroog. E curpa tabata lora den lona cu ducktape. Polis ta indica cu ta trata di e Arubiano Lindomar Maduro di 31 aña di edad.
Polis no kier duna mas detaye tocante e victima, pa motibo cu parti di su famia ainda no a ser informa tocante e descubrimento di e curpa. Ta asina cu e hoben di 31 aña a ser asesina Un ekipo di investigacion na gran scala ta investigando e asesinato.
Awo tin cla cu e auto a ser haya kima na e lago Mooie Nel na luna di februari no tin nada di haber cu e asesinato. Polis ta buscando posible testigonan cu recientemente a nota algo sospechoso den awanan recreacional.
