Autoridad di Mexico ta investiga si e asesinato aki, ta un bringamento entre cartelnan cu ta pleita pa teritorio. E crimen aki a kibra sentimento di paz cu tabata existi na Cancun, un region di Mexico cu tabata relativamente liber di violencia te awor. A laga e cadaver atras dilanti tribunal superior di husticia di Cancun, lugar turistico na estado Quintana Roo, Mexico. Cancun a biba un conmocion grandi na januari, tempo cu a sufri un atake di banda cu ta pertenece na crimen organisa, unda cu 9 persona a perde nan bida, fiscalia di Quintana Roo a informa.
E curpa ta pertenece na un homber entre 25 y 30 aña, y a aparece diabierna marduga dilanti di palacio hudicial den un tas preto, cu tabatin un papel cu un cuchiu hinca ariba, caminda por lesa un mensahe cu a ser firma presuntamente pa un grupo criminal, fiscalia di Quintana Roo a informa.
