A tene Gay Pride pa di shete biaha na Corsou siman pasa. Segun e organisacion, mas di mil LGBT y nan simpatisante a core un record den un procesion colorido for di Riffort na Otrobanda, via Pontjesbrug na Whilhelminaplein.
Pride Walk tabata e evento resalta di Pride Week na Corsou, unda tambe a schedule algun fiesta y reunion. Pride Walk a cuminsa shete aña atras cu un cantidad chikito di hende riba un parkeerplaats net pafo di Willemstad, pero a crece na un festival folklorico. Comunidad LGBT ta acepta, y companianan tambe ta bay sponsor e evento anual.
“Un bon desaroyo”, segun un di e organisadonan a bisa medionan local. Tambe el a pidi politiconan pa pura cu e ley cu lo haci matrimonio di mesun sexo posibel. Un aña atras, durante Pride, a haci un yamada pa habri matrimonio pa parehanan di mesun sexo. A entrega un proyecto di ley na juni ultimo, declarando cu no mester restringi matrimonio na unicamente un homber y un muhe. Awo Raad van Advies ta revisando e legislacion y entrega esaki na parlamento proximamente. Si e ley alcansa un mayoria, lo habri matrimonio na Corsou pa parehanan di mesun sexo. E chens cu e ley nobo lo ta exitoso ta parce chikito, pasobra tanto e poblacion como e politiconan no ta parce di ta cla pa legalisa matrimonio di mesun sexo.
E isla tampoco tin partnership registra pa pareha gay. Un matrimonio di mesun sexo, sinembargo, por wordo credita na status civil di e isla. Un matrimonio homosexual cu a tuma luga na Hulanda ta valido den reino, pues tambe na Corsou.
