Via un comunidad di prensa, e directiva di L.S Holding Curacao NV, cual ta opera como Little Switzerland na Corsou a anuncia cu a haci un reunion dia 13 di augustus pa discuti tocante e pandemia di Covid-19, cual a bin cu resultado di desafionan comercial sin precedente den Corsou.”

“Durante hopi añanan sirbiendo cu hopi orguyo na nos hendenan di Corsou, nos a enfrenta y supera hopi desafionan den cual e hendenan di Corsou semper a mustra nan apoyo cu nos, esaki ta inclui tambe nos clientenan leal, socionan comercial local, empleadonan di hopi tempo y nos propiedad den Renaissance Resort Casino,” e hunta a bisa den un comunicado di prensa. “E recesion global, cu a cuminsa den aña 2008, tabata un di nos desafionan mas grandi y su impacto ainda ta keda prevalece, e costonan mas halto y e fluho di ingreso instabiel a duna como resultado perdidanan operativo anual cu a bira insostenibel, nos ta spera di por surpasa e pandemia di Covid-19 na Corsou, pero aworaki ta mustra tiki probabel.”

“E regreso di e cruceronan na Corsou a bira incierto y ta poco probabel cu lo haya bishitante di crucero na Corsou durante e resto di aña 2020, posiblemente te hasta cuminsamento di aña 2021. E liñanan di crucero simplemente no a descubri ainda con pa descarga y despues recarga e pasaheronan den un manera sigur den cualkier puerto sin por controla e posibel exposicion na e virus, y e desafio aki no ta wordo supera por completo te ora un vacuna bira disponibel. Nos ta kere cu e reencuentronan historico di pasaheronan lo bay tarda hopi aña pa recupera y ta posibel cu nunca lo alcansa nivelnan anterior na Covid-19.”

“Biahenan aereo pa Corsou tambe ta un desafio cu e restriccionnan local den cambionan constante y e actitud general predominante di e biaheronan, cu pa biaha den un avion no lo ta asina safe. Den poco palabra, e cantidad di turistanan cu lo bishita Corsou den futurocercano lo ta extremamente limita. Aunke nos tin un base di cliente local maraviyoso, simplemente nos no por sigui opera sin un base turistico solido, por lo tanto, nos a tuma e dificil decision di cera nos tienda Little Switzerland na Corsou cu efectonan inmediato.”

“E parti mas dificil di e decision aki ta e impacto den nos trahadonan leal y di largo tempo, hopi di nan ta cu nos for di momento cu e empresa a habri na aña 2007 y nos tur lo haya nan falta. Nan ta personanan hopi trahado y comprometi, cual mi ta sigur cu nan lo tin exito den nan futuro empleo. Nos ta continua paga tur empleadonan desde cu e tienda a cera temporalmente den e siman di 16 di maart y nos a incuri den tur e gastonan pa por mantene e tienda viable, incluyendo e warehouse, electricidad y otro gasto nan cu ta sigui continuamente. Nos a yega na un acuerdo mutuo cu tur e empleadonan pa cancela nan contract di trabou y ta nos intencion pa laga e mercado regla. Nos ta gradici e hendenan di Corsou pa nan añanan di apoyo y nos ta desea nan tur lo miho pa cada un su salud y siguridad durante e tempo nan dificil aki.”