Blue Bank International, cu base na Corsou, ta nenga di ta consciente di fraude di algun acusadonan, den un caso di corupcion cu ta involucra e comerciantenan principal di petroleo y e compania petroleo Venezolano PDVSA.
E banco ta bisa cu nan no a facilita e fraude na no cumpli cu e reglanan bancario. E banco a anuncia esaki traves nan abogado.
Blue Bank ta un di e acusadonan den un demanda presenta na Miami na principio di e luna aki. E otro dos banco tambe a ser yama. E compania petrolero estatal Venezolano, PDVSA den e caso aki traves di trust special, ta acusa companianan petrolero Trafigura y Vitol pa paga miyones di dollar na soborno.
A cambio di placa e comerciantenan petroleo a ricibi supuestamente informacion tocante futuro negociacionnan petroleo di PDVSA. E grupo di Venezolano ta afirma un perdida di ma di 5mil miyon den benta perdi. En total un decena di empresa y individuonan ta ser acusa den e demanda, incluyendo Trafigura Beheer na Hulanda y Blue Bank International na Curaçao.
Cumpli cu ley aplicabel y regulacionnan.
Segun e acusacion e banco ey entre otro cosnan a facilita e fraude. Sinembargo e abogado di de Blue Bank International ta nenga expresamente cu e banco no tabata consciente di e supuestamente naturalesa di e dicho pagonan di un cuenta na nan banco. E banco tambe a declara cu nan a cumpli cu e leynan y regulacionnan aplicabel, incluyendo den area di identificacion di clientenan den servicio financiero.
