Parti 1 – Introduccion
(AP) – Sea cu bo sa of no, hopi hende no ta pasa ni un dia of ni un cuminda, sin cu nan ta consumi cuminda ultraprocesa.
For di cereal cu hopi sucu mainta te pizza di freezer anochi, y e snacknan durante dia cu ta come manera ice cream, chips of refresco. Tumando Merca como ehempel, cuminda ultraprocesa ta forma te hasta 60% di e dieta di Mericanonan. Pa muchanan y hobennan, e porcentahe ta hopi mas halto ainda.
Esaki ta preocupante pa motibo cu cuminda ultraprocesa ta coencta cu un gran cantidad di efectonan negativo riba e salid, for di obesidad y diabetes te cu malesa di curason, depresion, demencia y hopi mas. Un di e estudionan ehecuta recientemente a sugeri cu come e tipo di cumindanan aki por aumenta e riesgo di un morto trempan.
Ciencia den nutricion ta dificil, sinembargo, y mayoria di e investigacion tocante esaki a haya conexionnan so pero no prueba concreto tocante e consecuencianan den salud di e cumindanan aki.
Fabricantenan di cuminda ta argumenta cu e procesonan ta aumenta e seguridad di e cuminda y suministro ademas di ofrece un manera conveniente y menos costoso di provee un dieta nutritivo y diverso.
Hasta si e ciencia tabata completamente cla cu esaki, toch e lo keda dificil pa sa ki conseho practico pa duna ora cu e tipo di cumindanan ultraprocesa ta responsabel pa loke e estudio ta calcula di ta 73% di e suministro di cuminda na Merca.
The Associated Press a haci varios pregunta na varios experto di nutricion, y a base di nan contesta a traha un resumen unda ta brinda diferente punto di bista tocante esaki.
Proximamente, nos lo ta publicando e diferente punto di bista aki pa asina aumenta e conscientisacion den nos tocante kico nos ta consumi y ki efecto esaki posiblemente tin riba nos salud.
