(AP)—Un cumbre di Group of Seven a habri ayera cu un acuerdo riba un propuesta Mericano pa apoya un prestamo di 50 biyon dollar pa Ucrania usando activos para di Rusia como colateral, dunando Kyiv un muestra fuerte di apoyo aunke e clima politico Europeo ta birando mas derechista.
Premier Italiano Giorgia Meloni a acepta e lidernan di estado di e G7 liderando nacionnan industrialisa na un resort luho na zuid Italia, bisando cu e kier pa e mensahe di e reunion ta uno di dialogo cu e sur global y unidad.
Ademas di e discusionnan tocante Ucrania, e guera na Gaza y e politica industrial di China, Papa Francisco lo bira e prome Papa pa adresa un cumbre di G7, agregando un toque di celebridad y autoridad moral na e reunion anual. E lo papia awe tocante e promesa y peligronan di inteligencia artificial, pero ta anticipa cu e lo renoba su apelacion pa un fin pasivo na e invasion di Rusia riba Ucrania y e guera entre Israel y Hamas na Gaza.
G7 ta inclui Canada, Francia, Alemania, Italia, Hapon, Reino Uni y Merca. Italia, cual ta anfitrionando e cumbre, a invita varios lider Africano—presidente di Algeria Abdelmadjid Tebboune, presidente Keniano William Ruto y presidente di Tunisia Kis Saied—pa promove e desaroyo di Meloni y iniciativanan di migracion den e continente.
Otro invitadonan ta inclui presidente Ucraniano Volodymyr Zelenskyy, presidente Brasilero Luiz Inácio Lula da Silva, prome minister Indio Narendra Modi y presidente Turco Recep Tayyip Erdogan.
Cu Biden, e prome minister di Reino Uni Rishi Sunak y presidente Frances Emmanuel Macron enfrentando eleccionnan den e proximo lunanan, presion a keda riba G7 pa haci loke e por mientras e status quo ta dura.
Activos para di Rusia pa apoya Ucrania
E propuesta di Merca ta envolvi creando un prestamo di 50 biyon dollar pa yuda Ucrania den su lucha contra Rusia cu lo usa interes gana riba ganashinan for di e activos para di Rusia, mayoria di cual ta wanta den Union Europeo, como colateral.
Un oficial Frances, papiando cu reporteronan diaranson, a bisa cu a yega na un decision politico pero cu detayenan tecnico y legal di e mecanismo pa usa e activos ainda mester ser resolvi. E problema ta complica pasobra si e activos Ruso no ta para mas—pues si e guera caba—e ora e ganashinan no lo por ser usa mas pa paga e prestamo, rekeriendo un areglo pa comparti e debe cu otro pais.
Zelenskyy a lista e trato di activos como un di e varios areglo cu e ta spera lo ser finalisa durante e cumbre, incluyendo un acuerdo di seguridad bilateral cu Merca.
E clima politico nobo den Europa
Meloni ta cuminsa e reunion fortifica na cas y den exterior despues cu su partido ultraderecha a haya un presencia mas notable den e eleccion parlamentario di Europa compara cu den e eleccion general na 2022 cu a haci’e e prome premier Italiano femenino. Conoci pa su gobiernonan cu ta keda cambia, awo Italia ta den e posicion inusual di ta e poder mas stabiel den Europa.
Como resultado, ta probable cu Meloni lo por dirigi e reunion di tres dia na su prioridadnan clave mientras e ta fortalece su rol riba e escenario global, segun analistanan. Un señal di su movida derechista: e oficina di Meloni a nenga reportahe cu Italia tabata purba di sovaca lenguahe tocante acceso na abortus den e ultimo comunicado.
Un oficial Frances, papiando anonimamente den cuadra cu e practicanan standardnan di e oficina di Macron, a bisa cu nan tabata separando perspectivanan cu negociadornan Italiano riba algun topico, incluyendo riba salud sexual y reproductivo, y vacuna.
Minister di Asunto Exterior Italiano, Antonio Tajani, a confirma cu abortus a ser adresa, pero a bisa cu e discusionnan tabata continuando.
E Papa y inteligencia artificial
Papa Francisco a haci un yamado pa un trato internacional pa sigura cu inteligencia artificial (IA) ser desaroya y usa eticamente, reconociendo e promesa cu e ta ofrece pero enfatisando e menasa grandi y existencia cu esaki ta trece.
El a trece e campaña ey na e paisnan industrialisa di mundo mientras gueranan ta andante na varios caminda. Un di su preocupacionnan mas grandi tabata e uso di IA den e sector di armamento. Pero e Papa tabata preocupa tambe tocante kico IA ta nifica pa esnan mas pober y mas zwak den bida diario: tecnologia cu por determina e dependencia di un aplicante pa hipoteca, e derecho di un migrante pa ricibi asilo politico of e chens di re-ofension pa un persona cu a ser condena di un crimen den pasado.
