(NLTimes) – Personanan di edad avansa cu ta ricibi cuido di salud na cas en averahe ta biba un aña mas largo cu e personanan cu ta ricibi e cuido aki na un institucion specialisa, tambe conoci como casnan di cuido.
Participantenan tabata di organisacionnan Fundis den e region di Gouda y MeanderGroep den e region Heerlen. E dos organisacionnan aki a provee ambos tipo di servicio. E servicio aki di cuido na cas generalmente ta provee un cuido mas amplio. Enfermeronan hopi biaha ta bishita e cas varios biaha pa dia y ta encarga di mas tarea.
E investigadornan a monitor e participantenan pa 4 aña. E personanan cu a opta pa ricibi cuido na cas a biba un average di 3 aña despues cu nan a cuminsa ricibi e cuido, Pa esunnan cu a scoge di ricibi e cuido aki na un instancia, e cantidad tabata 2 aña.
“Mas investigacion ta necesario. Sinembargo loke nos por mira ta cu muda bay un institucion ta causa un strobamento enorme,” Jack Jansen di MeanderGroep a bisa. “E personanan aki di edad avansa ta ser saca for di nan contexto social. Den demencia, hopi biaha nos ta mira un deterioro rapido.”
Segun e figuranan mas recien di Statistics Netherlands, mas di 18,000 persona di edad avansa na Hulanda a ricibi cuido na cas den aña 2019. Na mesun tempo, un total di 115,000 persona di edad avansa na Hulanda tabata residente di casnan di cuido.
