Manera ta conoci, Cuerpo Policial di Aruba bao guia di Ministerio Publico recientemente a detene tres cuidador di preso y cuatro persona relaciona cu un investigacion di corupcion bao bewaker na KIA.
Di e siete sospechosonan aki, OM a confirma, cinco ta den detencion ainda y di e cinco aki, tres ta e cuidadornan di preso.
Ayera, segun informacion cu tabata circula, e tres cuidadornan aki lo a wordo traslada pafo di Aruba.
Bon Dia Aruba a tuma contacto cu vocero di Ministerio Publico, Sra. Ann Angela pa confirma si e informacion aki ta corecto.
Sra. Angela a indica cu e informacion aki en berdad ta corecto y cu e presonan a wordo traslada pa Bonaire.
E motibo cu a traslada e presonan pa Bonaire, Sra. Angela a splica, ta pasobra e ta relaciona cu e investigacion cu tin andando y pues a tuma e decision pa traslasa e cuidadornan di preso for di Aruba.
