E dos casonan unda 3 polis ta bou investigacion di uza di mas violencia ta rekeri mas capacidad di Ministerio Publico y cuerpo di polis. Como cu investigacion di e di dos caso ta mara na nan capacidad disponibel.
Esaki ta expresionnan haci den un relato di Ministerio Publico riba e dos investigacionnan. E prome caso ta unda tin dos polis den detencion, sospecha di maltrato di un sospechoso durante su detencion. E otro caso a sali den publicidad e siman aki y ta trata di un denuncia cu tres ciudadano a haci contra e hoofdinspecteur Adrick Croes, cu ta hefe di e districto St. Cruz.
Remarcabel di e relato di OM ta cu nan ta menciona cu ‘asina cu e investigacion den e prome caso ta permiti, mas capacidad lo wordo poni riba e di dos investigacion aki’. Pues nan ta pone enfasis riba e capacidad disponibel pa husticia por atende cu e dos caso. Y den esaki por mira cu Ministerio Publico ta pone prioridad na e prome caso di e dos polis.
