Ayera, mediante un comunicado di prensa, Cuerpo Policial a informa tocante un caso di posesion di municion, unda dos turista di crucero a keda aresta.
Diamars anochi poco prome cu 9or, Central di Polis ta wordo notifica cu lo a haya dos turista cu municion na momento di aborda un barco crucero. Central di polis ta despacha patruya di Polis pa waf na Oranjestad.
Na yegada di e prome unidad di Polis a bin compronde cu durante control prome cu aborda e barco crucero a control den pertenencia di dos turista. Pa nan sorpresa a bin tuma cu municion y bala cayente den e tas di cada un turista.
A detene un turista femenino cu tabata tin un bala cayente den su tas como tambe a detene un turista masculino cu un peña cu bala cayente aden.
Despues di detencion a transporta nan di biaha pa warda polis pa asina nan presenta dilanti un subfiscal. E turistanan den oranan di mainta a wordo interoga y na unda despues cu a tuma contacto cu fiscal nan mester a paga un multa y a recobra nan libertad.
Durante dia e agencia encarga cu nan a percura pa nan haya un vuelo y a bolbe nan destino.
Mester clarifica cu na ningun momento a encontra ningun arma di candela.
