(NLTimes) – E autoridadnan den investigacion na Hulanda no tin suficiente experiencia tocante ‘blockchain’ nobo y ta kedando atras di e criminalnan cibernetico, expertonan a bisa na BNR.
Cuerpo policial ta enfoca hopi riba Bitcoin y no suficiente riba otronan manera Tron, cual tambe ta generando popularidad entre e criminalnan, e noticiero a skirbi. Segun Frank van Weert di Whale Alert, un compania cu ta crea programa pa detecta estafa den criptomoneda, a bisa cu cuerpo policial mester laga los di Bitcoin y sigui. “E ta algo di practicamente 6 aña pasa. Criminalnan sabi no ta haci uso di Bitcoin mas,” el a conta. “Bo ta mira Tron hopi riba sitionan unda cu datonan horta ta intercambia.
Bitcoin ta usa te ainda, pero criminalnan usualmente ya caba a move na otro tiponan di moneda entre nan mes. Esaki tin varios aña ta tuma luga caba.” Ralh Mooren di Secura tabata completamente di acuerdo cu esaki.
Segun cifranan di Whale Alert, e dollarnan mas virtual manera Tethers tin desde october ta circula na Tron. Den october di aña 2021, mas di 280 biyon dollar a circula riba Tron. El a tuma e prome luga for di Ethereum.
Bitcoin a perde su posicion desde juli den aña 2019. Un analisis di declaracionnnan na corte riba rechtspraak.nl a demostra cu autoridadnan Hulandes te ainda ta enfoca primeramente riba Bitcoin. E termino Bitcoin a aparece den 172 declaracion. E unico otro criptomonedanan cu a aparece tabata Etherium y un di Monero.
BNR a puntra National Police y FIOD, e departamento di investigacion di impuesto, cual criptomoneda nan ta monitoria, ambos a rechasa di contesta. FIOD a cita “motibonan operacional” como e rason y polis a bisa cu nan no kier publica partinan menos fuerte di e investigacion. Sinembargo, fuentenan familiar cu e tipo di investigacion aki a conta BNR cu e investigacionnan ta limita na Bitcoin, Bitcoin Lightning, Ethereum y Monero. E programa usa pa agencianan di ley Hulandes “no por nisikiera yega na ni haci uso di Tron,” e fuente a declara.
