Diahuebs ultimo, Cuerpo Policial di Aruba tabatin dos diferente incidente relaciona cu droga. Ambos a resulta den detencion y droga confisca.
E prome caso ta trata di un entrada hudicial cu Unit Narcotica a haci conhuntamente cu Team di Aresto . Na un cas na Tanki Leendert a detene e homber di inicial F.F.A.T. di 24 aña naci na Aruba.
E detencion ta relaciona cu posecion droga .
Durante listramento den dicho cas a confisca diferente tipo di droga; marihuana, xtc, lsd y cocaina.
Den e di dos caso, a detene un homber a keda deteni na aeropuerto.
Diahuebs atardi, personal di Douane durante control na aeropuerto a detene un hende homber cu droga den su maleta. E sospechoso a wordo hiba na e departamento di Unit Narcotica y na nan turno a cuminsa cu e investigacion.
Ta trata di e homber di inicial J.J.M. di 42 aña naci y biba na Corsou cu a purba di pasa cu cocaina den su maleta.
No ta descarta cu lo tin mas detencion den e dianan nos dilanti.
Pa ambos caso, Cuerpo Policial ta haci un apelacion pa es cu sa algo of a wak algo pa yama e tiplijn di polis cu ta 11141. Bo ta keda anonimo.
