Relaciona cu e situacion di Coronavirus na Aruba, Cuerpo Policial ta adapta su maneho pa atende publico pa asina tene nan mes ta na e protocol di distanciamento social na su wardanan.
Mirando e desaroyonan cu coronavirus Cuerpo policial a tuma e decision di Sera tur warda di polis pa servicio na publico entrante 27 maart 2020, cu excepcion di casonan urgente!
Numbernan di warda di polisnan ta lo siguiente:
Warda di San Nicolas : 527-3000
Warda di Santa Cruz : 527-2900
Warda di Oranjestad : 527-3140
Warda di Noord: 527-3200
Pa cualkier emergencia yama Central di Polis na number di telefon 100.
Esaki ta den cuadro di prevencion y asina nos por sigui brinda nos servicio na pueblo di Aruba mas optimal cu ta posibel.
