_0.jpg "bombero boluntario accion (1).jpg")
Fin di siman ultimo Cuerpo di Bombero Boluntario di Republica Dominicana su sede na San Nicolas a participa cu nan donacion den e Radiothon Musical pa Educacion di e Muchanan organisa pa emisora Caliente FM.
E organisacion aki ta uno di miembronan boluntario cu ta traha activamente den obranan social y humanitario riba nos isla, manera esun organisa pa e emisora menciona, pa yuda e muchanan den necesidad den cuadro di apertura di aña escolar nobo (2015-2016).
E ayudonan aki ta wordo canalisa pa medio di e fundacion Pa Nos Comunidad pa asina nan por yega na e muchanan cu tin mas necesidad.
Comandante di e Cuerpo di Bombero Boluntario aki, Sr. Rolando Wilson a expresa su satisfaccion di por a entrega e donacion aki den forma di material di scol, danki na e colaboracion di e miembronan di e hunta di nan organisacion y tambe di trahadonan di Hyatt Resort.
Sr. Wilson a entrega di e donacion aki hunto cu demas miembronan di e hunta di Cuerpo di Bombero Boluntario di Republica Dominicana su sede na San Nicolas, Sr. Pedro Ogando (secretario) y Sr. Ricardo Peguero (Sub comandante).
_0.jpg&description=Cuerpo+di+Bombero+Boluntario+di+San+Nicolas+a+yuda+nos+muchanan+den+necesidad){kind=link}