(CiberCuba) – E Cubanonan inclui den e Lista Nacional di Terorismo elabora pa e regimen di La Habana, incluyendo comunicadornan, influencers y activistanan di pueblo, por biaha pa Spaña sin miedo cu ta existi un alarma cu ta avisa pa detene nan na momento cu nan stap den cualkier aeropuerto di e pais. For di Ministerio di Asuntonan Exterior Spaño, a confirma na CiberCuba cu nan no tin prueba di e lista di persona cataloga manera terorista.

Contestando preguntanan di CiberCuba si e Ministerio di Exterior, Union Europeo y Cooperacion a ricibi notificacion di e lista di terorista di e regimen Cubano, fuentenan oficial a limita na contesta cu actualmente nan no ta na altura di tal notificacion.

Den e mesun sentido nan a contesta for di e Ministerio di Interior Spaño cu, aunke nan a sigura cu no ta posible pa nan informa ariba e tipo di asuntonan relaciona cu terorismo, nan ta aclaria cu nan no por detene ningun persona na ningun aeropuerto Spaño sin cu esaki wordo autorisa pa un hues. “De tur caso e detencionnan lo rekeri un autorisacion hudicial,” nan a señala na CiberCuba.

E declaracionnan aki ta wordo agrega na esunnan di e diputado Europeo Jordi Cañas, vice presidente di e Asamblea Eurolat, encarga di e relacionnan entre Europa y Latino America, cu den un entrevista concedi na e medio aki, el a sigura cu un regimen dictatorial no por propone teroristanan. Ademas el a aclaria cu ningun hende den e Parlamento Europeo a tuma e lista aki di e regimen Cubano di teroristanan na serio pasobra e relacion cu e Gobierno di La Habana ta cada biaha pio y na Europa nan ta persigui e teroristanan di berdad, no esunnan inclui den un lista pa opene contra Miguel-Diaz-Canel

“E lista di terorista ta wordo dicidi pa e Union Europeo y Merca. E ta evidente cu un regimen dictatorial no por propone teroristanan y menos ora cu e presunto teroristanan aki ta defensor di e derechonan humano, e democracia y cu ta personanan cu solamente ta pidiendo un miho futuro pa e isla y pa e ciudadanonan Cubano,” Cañas a afirma.

E regimen di Diaz-Canel ta bisa cu nan a entrega nan lista di terorista na Merca. Asina e Ministerio di Exterior di e isla a publica ariba nan website, sigurando cu e delegacion Cubano a traslada informacion- y propuestanan di cooperacion pa Merca ariba actividadnan di personanan radica na Merca, identifica pa nan vinculo cu terorismo, traficacion ilegal di persona y na otro actividadnan ilicito. For di e isla tambe nan ta sigura cu nan a entrega nan lista na Interpol.

Na cuminsamento di december aña pasa, e regimen a publica un lista cu 61 nomber di Cubanonan, e mayoria residente na Merca, cu tin causa habri pa terorismo na e isla. E lista nacional aki a bira publico un siman prome cu e gobierno di Biden a bolbe inclui e gobierno di Diaz-Canel entre e paisnan patrocinador di terorismo.