(CiberCuba) – Gobierno Cubano a destitui e minister president di Banco Central di Cuba (BCC), Marta Sabina Wilson Gonzalez kende tabatin tres pa cuater aña den e puesto. Su puesto lo keda ocupa pa Joaquin Alonso Vasquez, ken te na e momentonan aki tabata eherce como presidente di Cas di Cambio (CADECA).
E anuncio, cu no a duna splicacion tocante e motibo di e cambio, ta tuma luga mientras nan ta warda sentencia di un tribunal di London despues di e huicio contra gobierno Cubano pa un debe di 75 miyon di dollar cu fondo di inversion CRF I Limited ta reclama.
E nota oficial publica pa e prensa Cubano diaranson ultimo ta destaca cu Miguel Diaz-Canel a haci e promocion nobo na e cargo.
“Conseho di Estado, como propuesta di president di e republica y cu aprobacion anterior di e Bureau Politico di Comite Central di e Partido, a acorda cu lo promove na e cargo di Minister President di Banco Central di Cuba e compañero Joaquin Alonso Vazquez, presidente actual di Cas di Cambio,” e comunicado ta señala.
Alonso Vasquez, di 59 aña di edad, ta licenciado den Finanzas y Credito, master den Direccion y Prefeccionamento Empresarial y a eherce diferente responsabilidadnan den sector bancario.
E tabata subdirector provincial di Banco Popular de Ahorro (BPA) na La Habana, director di ahorro na Oficina Central di Banco Popular de Ahorro y director di credito di Casa Financiera FINALSE.
Pa loke ta trata Marta Sabina Wilson Gonzalez, cu a wordo nombra presidente di e BCC na 2019, e nota di e medio oficialista ta limita na indica cu a reconoce e esfuerso realisa y den consecuencia el lo wordo asigna na otro actividadnan.
