Cuba ta haci prueba cu “heberferon” contra cancer di cuero

Cuba ta cuminsa e aña aki cu ensayo clinico di e medicamento biotecnologico Heberferon, destina pa cura diferente sorto di cancer, despues cu nan a purba e sustancia riba 800 pacient cu tumor di cuero, medionan local a informa.

Un di e pruebanan di e medicina ey, lo a aplica riba 300 pacient cu “carcinoma renal” (cel maligno den riñon) y otro prueba destina na un grupo di hende cu tin tumor maligno  den su cerebro,  Iraldo Bello,  investigador di Centro di Ingenieria Genetica y Biotecnologia (CIGB)  di La Habana  a bisa.

Prome estudio clinico y otro investigacion piloto riba humano a mustra cu e medicamento aplica den e dos malesanan aki, por ta hopi beneficioso. E medicamento aki ta unico na mundo.

Heberferon ta un producto cientifico nobo, cu ta resultado di un investigacion di mas di 20 aña, y cu a ser haya despues di un combinacion sinergico di interfon alfa 2b y gamma humano recombinante.