Cuba ayera a acusa un di e diplomaticonan halto di Estadonan Uni staciona na e isla cu e lo ta traha estrechamente cu Jose Dainel Ferrer, e lider deteni di un di e gruponan di oposicion mas importante di e pais.
E acusacionnan contra charge d’affaires Mara Tekach tabata un kiebra di e lenguahe normal cu Cuba ta usa ora ta trata di relacion cu Merca, cu a keda modera a pesar cu gobierno di Trump ta den un campaña di escala tension tratando di corta suministro di petroleo pa e isla.
Tekach y embahada Mericano na Cuba a trata di fomenta division entre Cubanonan, “identificando areanan di economia unda nan por usa medidanan di presion, y tratando di difama y discredita prestacion di gobierno Cubano y di revolucion Cubano,” un declaracion di gobierno Cubano ta bisa.
Emabahada Mericano na Cuba a conoce reapertura na 2015 durante presidente Barack Obama si normalisacion di relacion cu e isla. Nan tabata opera cu un staff minimo desde e salida di mayoria di e personal na 2017, debi na e misterioso atakenan cu tabata afecta salud di decenas di personal y nan famia. Te ainda no a determina exactamente kico tabata causa e sintomanan aki.
Ferrer a keda deteni luna pasa bao acusacion cu no a keda clarifica te awe. Mera, gruponan opositor y organisacionnan di derecho humano a exigi su liberacion.
E declaracion ayera den Granma, e corant oficial di Partido Comunista di Cuba, a bisa cu Ferrer a keda deteni dia 1 di october hunto cui tres otro personabao sospecho di secuestro y atake di un otro homber. Ta acusa tambe gobierno Mericano di ta usa e caso den un campaña pa desacredita Cuba.
