Desde comienso di luna di juli, e suspension di coriente a aumenta na varios provincia di Cuba, principalmente den oranan di mainta y for di di 8or pa 10or di anochi.
Autoridadnan di e pais a informa cu no lo reprograma e suspension di coriente durante e lunanan di berano, tempo den a cual e Cubanonan ta sufri di temperatura halto y sangura.
For di Santiago di Cuba, e lider hubenil di e partido di oposicion, Union Patriotico di Cuba, Carlos Amel Oliva, a bisa pa Radio Television Marti cu e suspension di coriente ta sosode den mayoria di circuito.
Na Guantanamo, abogado Roberto Jesús Quiñones a reporta cu diamars pasa a corta un biaha mas e servicio na e localidad di e provincia durante varios ora.
Den e luna aki, considerablemente a aumenta e corte di e servicio electrico, cual a keda reporta den varios zona di e isla Caribeño, cu un orario di 8or di mainta te 10or di anochi.
Na e capital Cubano tambe tin interupcion na varios municipio, segun e cuentapropista Pedro Luis Garcia a informa.
Den un nota cu e empresa electrico a publica dialuna pasa den e diario La Tribuna di Havana a informa cu trabou di mantencion lo keda afecta e servicio na e municipio di Plaza, Cerro, Guanabacoa y Boyeros.
