(CiberCuba) – E embahador di Rusia na Cuba, Victor Koronelli, a afirma cu su pais y La Habana ta trahando den conhunto pa aclaria e caso di e mercenarionan di e isla cu ta brindando servicio na e ehercito Ruso na Ucrania.
Na momento di wordo interoga pa e coresponsal di CNN na La Habana durante e entrega di un donacion di 672 ton di azeta pa e isla, e diplomatico a bisa cu “e organonan competente ta trahando hunto y ta den contacto tanto di e banda Ruso como di e banda Cubano” pa analisa e yegada di Cubanonan na Moscu pa participa den e guera.
El a reconoce cu e embahada tin conocemento di e presencia na Rusia di Cubanonan cu lo a wordo manda cu e proposito di ricibi training militar, pero el a bisa cu e no conoce e cifranan exacto.
E funcionarionan Cubano ta defende e guera di Rusia, su aliado bieu, na Ucrania, pero den september nan a bisa cu nan a detene 17 Cubano cu a viola e leynan local ora cu nan purba di bay lucha pa Rusia como mercenario paga y pa presunto traficacion di hende.
