(CiberCuba) – E reciente revelacionnan di ex-capo di e Cartel di Medellin, Carlos Lehder ta demostra cu Raul Castro a cera negoshi cu Cartel di Medellin pa cual despues cuater militar Cubano a wordo asesina, entre nan coronel Antonio de la Guardia y Arnaldo Ochoa.
E ex-narcotraficante a conta pa prome biaha con e relacionnan di e asina yama “extraditables” tabata cu gobiernonan di Cuba, Panama, Nicaragua y Bahamas, na cual nan a duna miyones di dollar pa trafica libremente e droga Colombiano cu destino pa Merca, segun revista Semana a indica.
E ta afirma cu e placa y poder cu e caponan Colombiano a acumula den añanan 1980 no por tabata posible sin e complicidad di e regimennan aki. El a afirma cu el a reconoce di biaha cu e caminda mas facil pa hiba cocaina pa Merca tabata e diplomacia di droga a traves di e gobiernonan aki.
E ex-capo, un di esnan mas reconoci na Colombia, a bisa cu e tabata testigo di con e regimennan aki a sinta na mesa cu narcotraficantenan y a ricibi miyones di dollar cu cocaina tabata produci.
Lehder, ken diferente na e otro “extraditables” tabatin su estudio, tabata bilingue y tabatin conocemento di mundo, a splica cu el a ocupa personalmente di control di Bahamas, goberna pa minister Lynden Pindling, el a participa den negociacionnan cu famia Castro na Cuba y incluso un biaha el a pidi pa conoce Raul.
El a bisa cu den caso di e isla, e famia Castro a asocia cu Pablo Escobar Gaviria y Gonzalo Rodriguez Gacha, yama e Mexicano; a traves di e coronel Antonio de la Guardia, ken tabata hefe di e Corporacion di Importador- y Exportadornan di Cuba (Cimex), agencia di operacionnan special di e dictadura castrista.
