En bista di e presion nobo di Estadonan Uni y e ineficiencia di su economia, Cuba a establece prioridad cla den un plan te 2030 pa evita di cualkier manera cay atrobe den un crisis serio manera e asina yama “periodo special” den añanan 90, despues di desaparicion di Union Sovietico, presidente Miguel Diaz-Canel a anuncia diasabra pasa, despues di un sesion extraordinario di Asamblea Nacional, cu a aproba siman pasa e constitucion nobo di e pais.
E mandatario, cu ta cumpli un aña den su puesto como hefe di estado diabierna proximo, a reconoce cu e isla ainda ta carga e peso di e ineficiencia administrativo, mentalidad importador, falta di spaar insuficiente entrada di exportacion.”
“Nos no por exclui e manifestacionnan di corupcion y ilegalidad, inaceptabel den Revolucion,” e mandatario a expresa, delineando “dos prioridad absoluto: e preparacion pa defensa y e bataya economico.”
Planificacion di economia Cubanote 2030 ta concebi den tres etapa (2019-2021, 2022-2026 y 2027-2030), cu un enfoke primario den seis sector strategico.
Prioridad lo ta turismo, industria biotecnologico y farmaceutico, fuentenan renovable di energia, produccion di alimento, construccion y exportacion di servicio profesional, e ultimo aki considera pa analista como e principal fuente di entrada pa e pais.
Entre e tareanan inmediato Diaz-Canel a inclui e reorganisacion di comercio interior Cubano, revitalisacion si e sistema empresarial estatal y impulso di sector priva, integra pa mas di 580.000 ‘cuenta propista’ autonomo.
Diaz-Canel a haci referencia na intensificacion di e embargo di Merca cu a intensifica desde cu Trump ta presidente.
Tambe el a menciona e estimulo di inversion di exterior, reconoci den e constitucion nobo como vital pa saca economia dilanti y cu no ta yegando e nivel necesario pa motibo di e trabaonan burocratico.
