Cuba: Por lo menos 700 mil ciudadano no ta ricibi awa tur dia door di blackout

(CiberCuba) – Alrededor di 700 mil persona na Cuba no ta ricibi awa diariamente debi na e blackoutnan di coriente, ya cu e sector hidraulico ta e di dos consumidor mas grandi di energia electrico despues di e demanda di e poblacion, segun fuentenan oficial a informa.

Antonio Rodriguez Rodriguez, presidente di Instituto Nacional de Recursos Hidraulicos (INRH), a cualifica e distribucion di awa limpi den actualidad como un situacion hopi compleho, señalando e blackoutnan di electricidad continuo como e motibo, corant oficialista Granma a reporta.

Aunke e cifra di personanan cu no ta conta cu servicio di awa diariamente debi na e blackoutnan ta alarmante, solamente mita di e poblacion Cubano ta ricibi e servicio aki di un manera consistente, mientras cu e resto no ta ricibi esaki pa diferente motibo, manera e secura, e falta di red di distribucion, corupcion, entre otro.

Rodriguez a describi e panorama lamentable cu e gruponan di electricidad tin na e plantanan di suministro, señalando cu recientemente tabatin cobertura pa solamente un 36% di e fuentenan di suministro den e teritorionan: “nos a yega na un 57%, pero nos ta spera di por cubri un 65% cu e entrada di otro baterianan, proximamente,” el a bisa sin indica un fecha.

E funcionario a admiti cu e problema ta bira mas agudo debi na cu empresanan encarga cu e mantencion y reparacion na e gruponan di electricidad no tin e piesanan di repuesto, cual ta haci dificil cu por pone e ekiponan traha.

Ademas, e suministro di combustible na e gruponan aki tambe ta enfrenta dificultadnan. E presidente di INRH a hustifica esaki na momento di señala cu “algun di e gruponan aki ta ubica na lugarnan cu tin acceso dificil, y no semper nan ta ricibi e diesel na tempo.”

Pa purba yuda, el a señala cu e awa ta wordo transporta den trucknan di carga “lo cual ta haci e ciclonan na e comunidadnan ey cu no ta ricibi awa mas largo” poniendo den evidencia e situacion dificil cu e personanan afecta ta enfrenta pa e falta di suministro di awa.

Manera un posible solucion, Rodriguez a señala cu actualmente nan ta realisando e instalacion di 722 ekipo cu alimentacion energetico solar pa reduci e dependencia di e pompmento na e red nacional di electricidad.

Den e sentido aki, el a bisa cu tin mas di 600 brindando servicio y otro 144 a caba di drenta pa e municipionan den e seronan: “Mi ta papia di 170 stacion di pompmento cu ta bay pone 70 ekipo alimenta pa panel solar na e oriente di e pais. Otro 74 ta bay ta destina pa Villa Clara.”

Por ultimo, e funcionario a indica cu pa luna di juli nan ta pretende di tin “866 ekipo funcionando, cu ta 866 luga na unda e blackoutnan no ta bay afecta e suministro di awa.”