(CiberCuba) – Administracion di Joe Biden a manda dialuna ultimo 123 migrante Cubano den e prome vuelo di deportacion cu Merca ta realisa pa La Habana desde fin di 2020, fuentenan oficial a confirma.
Un alto funcionario di Departamento di Seguridad Nacional (DHS) a bisa CiberCuba cu nan a reanuda e tramitacion di e deportacion di e ciudadanonan Cubano cu a ricibi orden definitivo di expulsion.
E vuelo organisa pa Departamento di Inmigracion y Control di Aduana (ICE) a sali for di Aeropuerto Internacional di Miami pa 11or di mainta, segun CiberCuba a confirma.
Poco despues di merdia dialuna un comunicado di Ministerio di Interior di Cuba (MININT), publica pa medionan oficialista, a revela cu e grupo cu a keda deporta ta consisti di 40 persona cu a yega Merca ilegalmente via lama y 83 deteni na e frontera na e parti zuid di e pais.
Esaki ta e prome vuelo di deportacion di ciudadanonan Cubano cu Merca ta realisa desde 29 di december di 2020, loke ta reanuda un politica di cooperacion den materia migratorio entre ambos pais.
