(CiberCuba) – E malcontento social cu ta recore e isla a provoca diadomingo 17 di maart (17M) un jornada di protesta contra e regimen Cubano y su gestion desastroso di e crisis economico, politico y social cu ta consumi e poblacion den e miseria y desesperacion.
E explosion a tuma luga na ciudad di Santiago de Cuba, ora cu den oranan di atardi bisiñanan di Reparto Veguita de Galo a sali riba caya pa protesta pa falta di electricidad y escasez di alimento.
Riba e grito di “coriente y cuminda,” centenares di Cubano a concentra alrededor di calle 9 de Veguita de Salo y caya central Avenida de Carretera del Morro. Den pleno luz di dia y dilanti decenas di polis y represeronan bisti di paisano, ciudadanonan di Santiago de Cuba a manifesta nan malcontento cu e situacion y a expresa nan deseo pa un cambio gritando “Patria y Bida”.
Periodista independiente, Yosmany Mayeta Labrada tabata un di e prome nan den informa di e protesta di 17M. “Pueblo a subi cayanan di Santiago de Cuba y a lansa nan mes pa exigi e fin di e blackoutnan y hopi otro problema cu ta afectando e poblacion di Santiago de Cuba,” e comunicador a bisa ariba e red social Facebook.
Un video comparti pa Mayeta Labrada a mustra un multitud manifestando riba caya contra e gestion di e crisis di gobierno di Miguel Diaz-Canel. E frasenan “coriente y cuminda” y “patria y bida” tabata ser grita den coro pa e manifestantenan.
E hechonan a recorda di biaha e explosion di e protestanan historico di dia 11 di juli 2021 (11J), ora cu miles di Cubano a subi riba caya di e pueblo- y ciudadnan di e pais, gritando tambe e frase “patria y bida”, un frase inspira den un cancion di protesta y cu ta cambia completamente e sentido di e lema di e regimen Cubano di “patria of morto.”
Di biaha a activa e alarmanan na e Palacio de la Revolucion y riba e cayanan di Santiago, pero tambe na otro localidadnan di Cuba, nan a cuminsa wak desplieguenan di polis y forsanan special di e ministerio di Interior (MININT) y e ehercito.
Ni dos ora a pasa despues di e reportahenan inicial di protestanan na Reparto Veguita de Galo, ora cu usuarionan Cubano a cuminsa reporta interupcion den e servicionan di internet.
Mientras cu na algun localidad di e pais nan tabata referi na problemanan di conexion, na otro partinan e monopolio estatal Cubano di telecomunicacion a opta pa interumpi totalmente e servicio di internet, similar na loke a pasa despues di e protesta di 11J, pero cu mas eficacia despues di e experiencia ey.
