(CiberCuba) – India a anuncia cu e lo extende un credito di 100 miyon di euro na Cuba pa yuda mitiga e escasez di alimento, mediante e entrega mas tanto di bonchi y productonan di maishi.
Segun e corant Indio, Financial Express, a informa ta trata aki di un liña di credito (LOC) un limite di prestamo estableci cu por wordo usa na cualkier momento.
“E combersacionnan ta den etapanan avansa pa finalisa e LOC di 100 miyon di euro pa Cuba. Ta ampliando den un esfuerso pa yuda e pais satisface su escasez di alimentonan”, un alto funcionario di e nacion Asiatico a revela.
E fuente e indica cu ta spera cu e LOC wordo entrega na Cuba pa final di e luna aki.
Ya caba finalisa e acuerdo, ta premira cu lo cuminsa cu e exportacion di bonchi y productonan di maishi, manera por ehempel trigo, aros, y e bonchinan, y otro productonan comestibel tambe.
Den reciente declaracionnan na Financial Express Online, e embahador Cubano, Alejandro Simancas Marin, a bisa cu nan a realisa estudionan di factibilidad cu lo ofrece oportunidadnan practico pa asina empresanan Indio inverti na Cuba den sectornan di industria di alimentonan, sucu, energia renobabel, agricultura y industria ligero.
Actualmente ambos pais ta mantene un aliansa cercano den camponan manera biotecnologico y farmaceutico, den cual nan ta comercialisa ingredientenan activo, materia prima y ekiponan.
Na december di 2018 India a ofrece La Habana un credito pa 75 miyon di dollar pa un proyecto di energia solar di 100MW.
