(CiberCuba) – Cu meta pa desaroya sistemanan cu lo proporciona awa limpi y sigur na mas di 300 mil persona na ciudad di Camaguey y otro teritorionan Cerda, Fondo Saudita pa Desaroyo (SFD na Ingles), ta otorga un financiamento di 40 miyon dollar na Estado Cubano, segun e agencia di cooperacion gubernamental a informa ariba nan website.
E nomber exacto di e proyecto respalda pa SFD ta “rehabilitacion del suministro de agua e higenizacion de la ciudad de Camaguey” y, segun locual por mira riba un potret, e Instituto Nacional de Recursos Hidraulicos (INRH) lo ta encarga, pa e parti Cubano, di hib’e dilanti.
E prensa estatal, te cu aworaki, no a ofrece hopi informacion ariba esey. Un nota chikito publica dia 25 di november pa e diario oficialista Granma a señala cu vice-prome minister Ricardo Cabrisas Ruiz y Faisal bon Falah Al Harbi, embahador di Reino di Saudi Arabia na Cuba, a firma “un memorandum di comprendemento (MoU) pa amplia y consolida e relacionnan di cooperacion, como parti di e bishita na Cuba di un delegacion di Fondo Saudita pa Desaroyo”.
Mientras tanto, Saud Alshammari, hefe di e delegacion di SFD cu a bishita Cuba, a apunta cu e obra recientemente inaugura ta representa e prome fase di un programa integral di diferente fasenan cu lo wordo implementa na ciudad di Camaguey. “Esaki ta un proyecto di infrastructura importante. Na momento cu mehora y desaroya e planta di tratamento di awa existente, nos lo aumenta e eficiencia y nos lo sigura e accesibilidad y e gestion sostenibel di awa na Camaguey, den liña cu e di seis SDG di ONU”, el a bisa.
