Gobierno Cubano a retira e dokternan cu tabata mantene trahando na El Salvador, despues cu e Hunta di Vigilancia di e Profesion Medico di e pais ey a denuncia cu e profesionalnan no tabatin e autorisacion necesario pa opera den e polemico Mision Milagro, cu ta financia pa Venezuela.
Minister di Salud di El Salvador, Violeta Menjívar, a bisa cu e mediconan Cubano cu tabata traha na hospital Santa Gertrudis, na San Vicente, oriente di e pais, a sali rumbo pa Cuba siman pasa. E presidente electo, Nayib Bukele, a bisa riba Twitter cu ‘desde juni lo reestablece y lo aumenta e programa Mision Milagro’.
E dokternan Cubano tabata den centro di e polemica na e pais, despues cu e gremio medico a cuestiona e retiro di dokternan local pa contrata e Cubanonan. Desde 2018, e Cubanonan a realisa operacion cu un salario di 1,100 dollar pa luna mas otro beneficio, segun e prensa local. Gobierno Cubano generalmente ta keda te hasta un 75% di e salario cu su ciudadanonan ta gana den exterior.
