Ayera, Presidente Miguel Díaz-Canel a yama comunidad pa traha y regresa na normalidad pa via di e situacion actual di energia, sinembargo, a insisti cu no lo bandona e medidanan di spaar pa cuida e recursonan.
Diaz-Canel a lidera un bishita di trabou pa e teritorio oriental di Guantanamo, pa revisa e medidanan cu a tuma den e situacion provoca pa desabastecemento di combustibel, ocasion den cual el a destaca e coherencia y inteligencia di e habitantenan pa minimalisa e efectonan.
Hunto cu autoridadnan nacional y local, e hefe di estado a sigura cu e responsabilidad di e situacion di energia den e pais ta pa via di e politica agresivo di Merca, cu awor ta mas exagera cu e scala imperial di Presidente Donald Trump.
Na otro momento, e mandatario a reconoce e labor di Guantanamo den atencion na e poblacion, specialmente den area cu tin vinculo cu construccion di vivienda y abastecemento di awa potabel.
Asina mes, Diaz-Canel a socialisa iniciativanan realisa na otro teritorio cu lo por ta util pa via e situacion di energia aki.
Hunto cu e Prome Vice-Presidente Cubano, Salvador Valdes y otro autoridadnan nacional y local, e gobernante a reconoce e detayenan di e trabou den e teritorio ey y nan prioridad.
Den e sentido ey, e presidente di Asamblea Provisional di Poder Popular na Guantanamo, Emilio Matos, a numera e prioridadnan pa e etapa aki, entre cual ta distribucion di alimento, actividadnan educacional y programanan di salud.
Di su parti, e delegado di Agricultura na Guantanamo, Diosnel San Loys a sigura cu ta garantisa awa pa e sector ey, den particular e cosecha di tomati y koffie.
