E cadena hotelero Melia a elegi Cuba como destino pa purba un formula nobo cu ta acopla tempo liber cu trabao na distancia.
Aunke ainda ta trahando riba e ultimo detayenan y trahando e paketenan, e ehecutivonan di melia a elegi Cuba como laboratorio unda ta purba e modalidad nobo aki di turismo, considerando esaki “un destino sigur, cu ta ofrece un entorno inigualable y excelente climatologia”.
E experimento empresarial lo ta dirigi fundamentalmente na clientenan Canades, e principal mercado di turista pa e isla. “E idea ta ofrece alohamento pa estadia largo, cu wifi di calidad y acceso gratis na un sala di ‘co-working’ y posibilidad di reserva tambe sala di videoconferencia,” segun fuentenan di Meliá a splica na ABC Viajar.
Segun resultado di varios encuesta, al menos un cuarta parti di e empleadonan cu ta taraha for di distancia ta manifesta incomodidad pa realisa nan dia laboral. Esaki pasobra sea nan no tin un espacio adecua pa traha, o pasobra nan ta desea un cambio di scenario cu tur comodidad di un hotel, esakinan lo mester ta e potencial clientenan di loke ta yama “hotel hibrido”.
Na Spaña, e forma nobo di bende nan instalacionnan a incia cu e B&B Hotels y a keda amplia cu entrada di otro cadena manera Melia y Accor. E idea ta atrae e personanan ey cu no t sinti capaz di combina requerimento di famia y di nan trabao diario.
No ta trata di converti e hotelnan den oficina, sino di condiciona nan pa converti nan de lugar di trabao, cu flexibilidad, pa cierto ora o dia. Cu e servicionan nobo y esunnan di custumber di un hotel, e opcion ta bon pa esnan cu ta obliga di traha miemtras nan ta pasa vacacion cu nan famia, o grupo di amigo.
“E pais a maneha e pandemia di forma di modelo, circunstancia reconoci internacionalmente y cu ta hacie e destino mas sigur na nivel regional. Cuba y Melia ta e partnernan perfecto pa e iniciativa aki,” Francisco Camps, subdirector general di e Division Cuba, a declara.
