(CiberCuba) – E barco HMCS Margaret Brooke, patruya di e Marina Real di Canada, a yega na e waf di La Habana diabierna, den un bishita cu ta coincidi cu un periodo di actividad militar eleva den e region.

E suceso aki ta tuma luga poco ora despues cu Merca a anuncia cu su submarino nuclear USS Helena a yega na e base naval di Guantanamo, y despues di e yegada di barconan di guera y un submarino nuclear Ruso na e isla na principio di e siman aki.

E HMCS Margaret Brooke, un barco di e Armada Real di Canada, a cuminsa su maniobranan na pa drenta den e waf di e capital Cubano diabierna mainta. E no tabata bishita e isla for di 2016, ora cu e tabata na La Habana durante e siman cu e prome minister Justin Trudeau a realisa un bishita oficial na Cuba.

Segun e comando di Operacionnan Conhunto di Canada, e bishita aki ta wordo realisa den reconocemento na e relacion bilateral largo entre Canada y Cuba.

Durante su estadia, e tripulacion Canades tin actividadnan programa cu ta inclui bishitanan di cortesia na e hefe di e Marina di Guerra Revolucionario di Cuba y e gobernador di La Habana, como tambe recoridonan na luganan di interes historico y cultural.

E Minister di Relacion Exterior a anuncia e siman aki e yegada di e barco di e armada Canades y e yegada diasabra 15 di juni, na Santiago de Cuba, di e barco scol “Simon Bolivar”, di Venezuela.

E bishita di e embarcacionnan di uso militar ta tuma luga den un contexto notabel di tension internacional. Diaranson, e barconan Ruso, entre nan e Almirante Gorshkov y e submarino di propulsion nuclear Kazan, a yega La Habana despues di realisa ehercicionan cu misilnan di precision halto den e Atlantico.

Rusia a describi e movimentonan aki como rutinario y a sigura cu nan no ta representa un menasa pa e region.

Di su banda, e Comando di Sur di Merca a informa cu e submarino nuclear USS Helena a yega na e bahia di Guantanamo. Nan a sigura cu e ubicacion y e transito di e barco tabata previamente planifica.

E autoridadnan Canades ta indica cu e yegada di HMCS Margaret Brooke como un operacion rutinario y no relaciona cu e presencia di e barconan Ruso y e submarino Mericano.

A pesar di e proximidad temporal y geografico di e movementonan militar, tanto Merca como Cuba a señala cu e barconan di guera Ruso no ta un menasa.

E coincidencia di e barconan di Canada, Rusia y Merca na Cuba, solamente 160 kilometer leu di Florida, ta trece back recuerdonan di e Guera Friu y ta pone di manifiesto e tensionnan actual entre Rusia y e paisnan Occidental debi na e guera na Ucrania.