Cuba lo adopta desde dia 1 di januari di 2018 modificacion den su norma di migracion, den cual ta inclui un eliminacion di tur problema cu a tuma lugar ora cu Cubano ta biaha y asina nan por haya su ciudadania, Bruno Rodriguez, canciyer a splica desde Washington.
Entre algun medidanan cu a ser comunica pa e canciyer ta eliminacion di habilitacion di paspoort, pa asina permiti cu ciudadano Cubano cu ta residente na stranhero lo por biaha pa Cuba.
Segun vocero Cubano tin como 800.000 persona cu paspoort Cubano na exterior, y cu te dia 31 di december ciudadano Cubano lo tin e facilitacion cu ta Sali for di consulado pa asina nan por biaha na nan pais di origen.
Rodriguez a bisa cu nan lo elimina e norma cu tabata solicita na ciudadano cu mayornan Cubano cu a nace na exterior, e residencia di 90 dia na Cuba pa asina nan por haya e ciudadania.
E solicitud aki ta miho conoci como “rekisito di avecindamento”, cu ta presente desde 1944 y cu desde proximo 1 di januari lo keda elimina.
Rodriguez a bisa cu nan lo anuncia un autorisacion di bay Cuba bek pa esunnan cu a Sali for di Cuba ilegal.
E permiso di ritorno pa ciudadano Cubano cu a Sali di pais aki, no lo ta disponibel pa esunnan cu a sali di Cuba for di base maritimo Mericano di Guantanamo pa motibo di siguridad, Rodriguez a splica.
Gobierno a papia di un autorisacion di entrada y salida di ciudadano na boto di recreacion”, y pa tal motibo nan a pone den funcionamento dos puertonan, aunke e number lo amplia despues.
Rodriguez a participa na Washington den un reunion entre Cubano cu ta bibando na Merca, y el a bisa cu tur medidanan aki ta parti di un proceso di actualisacion di e politica migratorio na Cuba.
Tur medidanan a ser recibi cu un boroto na auditorio di Washington, caminda a celebra un reunion cu residente cubano na Merca.
“gobierno di Merca ta cera y Cuba ta habri” porta pa un movencion migratorio entre tur dos pais aki, minister di relacion exterior cubano a splica.
