(CiberCuba) – Aministia Internacional (AI) a declara preso di consenshi e profesor y activista politico Cubano Pedro Albert Sanchez, y a pidi e mandatario Miguel Diaz-Canel Bermudez pa pone den libertad “inmediatamente y incondicionalmente”.
E organisacion no gubernamnetal a haci publico e decision dialuna ultimo, algun dia prome cu cumpli e di tres aniversario di e manifestacionnan historico di 11 y 12 di juli di 2021 na Cuba, contexto den cual tambe nan a emiti un declaracion demandando e regimen pa libera tur e personanan cu ta deteni inhustamente solamente pa eherce nan derechonan di libertad di expresion y di reunion pacifico.
Entre e Cubanonan deteni arbitrariamente, Amnistia a menciona e presonan di consenshi Jose Daniel Ferrer Garcia, lider di oposicion; e artistanan Luis Manuel Otero Alcantara y Maykel Osorbo; y e pastornan yoruba Loreto Hernandez Garcia y Donaida Perez Paseiro.
E comunicado a recorda cu e profesor Albert di 68 aña ta conoci pa su criticanan contra e regimen Cubano y su defensa di libertad di expresion y reunion pacifico. For di 2020, el a ser deteni na diferente ocasion pa participa den protestanan pacifico y manifesta opinionnan disidente.
Pa su participacion den e manifestacionnan di 11 di juli el a ser acusa di comete delitonan di “desorden publico” pa cualnan e regimen a conden’e na cinco aña di prizon.
Amnistia Internacional a denuncia cu, for di november 2023, e profesor ta permanece den prizon den condicionnan duro cu a deteriora ainda mas su salud, ya cu e ta sufri di cancer y otro enfermedadnan, door di cual el a emiti dia 7 di juli un accion urgente, den cual e ta pidi e personanan rond henter mundo pa exigi e gobierno Cubano su liberacion inmediato y sin condicion.
E declaracion ta adverti, ademas, cu e Estado Cubano mester stop e represion sistematico contra activista, artista, familiarnan di personanan cu ta deteni pa motibonan politico, intelectualnan y periodistanan, y como parti di esaki, “anula e articulonan di e Codigo Penal cu ta criminalisa e disidencia y ta viola e derecho di libertad di expresion.”
Ana Piquer, directora pa Americas di Amnistia Internacional a cualifica manera “inaceptabel” cu e autoridadnan Cubano ta sigui usa tacticanan represivo pa silencia esnan cu ta durf di halsa nan bos den defensa di nan derechonan humano. E represion constante pa purba sofoca cualkier forma di disidencia mester stop pa caba.”
E ONG a afirma cu e situacion di derechonan humano na Cuba ta sigui deteriora, cu un aumento di represion y criminalisacion di e disidencia y a puntualisa cu desde cu e regimen a implementa disposicionnan legal nobo na 2022, entre cual ta inclui e Codigo Penal, nan a documenta un uso indebido di esakinan pa persigui personanan cu ta exigi of ta purba eherce libremente nan derechonan.
