Cuatro partido por tuma e proximo stap pa forma e proximo gabinete Hulandes, segun lider di formacion

(NLTimes)—E discusion entre e lidernan di partido PVV, VVD, NSC y BBB a duna resultado, segun lider di negociacion Kim Putters. E proximo stap den e formacion di un gabinete nobo por ser tuma awo pa e cuatro partidonan aki, el a bisa despues di dos di discusionnan riba e haciendo di Zwaluwenberg na Hilversum.

“Mi ta cla pa yega na conclusionnan y skirbi mi rapport. Mi lo haci esey mañan,” Putters a bisa diamars anochi. Putter a bisa cu e ultimo dos dianan tabata intensivo. “Mi lo sortia tur cos mañan.” E mester entrega su ultimo rapport diahuebs na Tweede Kamer.

E cuatro lidernan di partido a sinta na mesa pa prome biaha na Hilversum. “Esey no a sosode ainda den e ronda informativo aki y e tabata necesario,” Putters a bisa.

Despues cu e lider di NSC Pieter Omtzigt a retira for di e discusionnan na comienso di februari durante e prome ronda informativo lidera pa Ronald Plasterk, e relacion mutual a amarga entre e lidernan di partido. Durante e ultimo simannan, Putters a papia casi exclusivamente cu e cuatro partidonan un pa un.

Ora el a sali di e hacienda, lider di BBB Caroline van der Plas kier a bisa solamente cu e tabata “positivo” y cu a tene “bon discusionnan.” Omtzigt a bisa cu “a haci trabao duro den e ultimo dianan” y a referi na Putters pa mas informacion. E lider di PVV Geert Wilders y lider di VVD Dilan Yeşilgöz a bay sin papia cu prensa.

E lidernan di partido a papia cu otro dialuna for di 3or pa 7:30 di anochi, lidera pa Putters. E discusionnan a resumi 9:30 di mainta diamars y a conclui net prome cu 8or di anochi.

Ainda no ta claro ki ora Tweede Kamer lo debati e ultimo rapport di Putters. Esey ta lo probablemente otro siman. Den su rapport, Putters mester indica cua forma di gabinete tin mas sosten entre e partidonan. Esaki ta inclui e posibilidad di un gabinete extra-parlamentario y un gabinete minoria cu apoyo for di un of mas partido den parlamento.

Omtzigt a indica previamente cu esaki ta e unico dos opcion pa un gabinete nobo, te cu e sa. Yeşilgöz a bandona e posicion inicial di su partido di kier tolera un gabinete minoria cu PVV y BBB so. Awo e ta habri pa un gabinete extra parlamentario den cual VVD tambe kier determina varios posicion ministerial.