Diaranson parti mainta pa merdia polisnan di San Nicolas ta detene cuatro homber y un baby na Santana di cacho, cu ta pariba di Baby beach.
Patruya di San Nicolas bayendo na un boto cu a wordo haya den oranan di marduga na altura di Santana di cacho. Durante marduga no a logra haya niun hende.
Pues cu otro palabra autoridad lo no por bisa si ta hende of droga por a drenta y ni di ki ora e boto tabata eynan.
Durante marduga polis ta topa e mes un auto aki, esta un Mitsubishi Pajero cu dos cabayero den dje, den nan poder tabata tin dos cherry can. Polis a kita esaki nan for di nan, y a laga nan bay.
Den dia cu otro patruya tabata bayendo na e boto, ta bolbe bin topa e mes un auto aki y e mes un dos hombernan di marduga y dos homber mas tratando di saca e boto for di lama. Den e auto tabata tin un baby.
Ki intencion nan tabata tin cu e boto of kiko nan si sa di e boto no ta conoci. Pero, polis atento y cu no a confia nada mes ora a detene tur hende, y a transporta tur separa pa warda di polis. Lamentablemente e baby tambe mester a bay warda.
Autoridad tin e caso bou investigacion, pa asina saca afo di ken e boto ta y kiko nan a trece si ta hende, droga of arma di candela.
