Cuatro di cada cinco muhe hoben na Amsterdam ta ser molestia riba caya

Acoso ta sigui ta un problema na Amsterdam cu 80% di hende muhe hoben ta bisa cu nan mester a lidia cu e intimidacion mientras cu nan ta riba caya, esaki ta segun un informe nobo di oficina di investigacion di e ciudad OIS.

Un total di 41% di e 3.158 personanan encuesta a bisa cu nan a yega di wordo confronta cu algun tipo di acoso den e ultimo aña y poco mas di mita di e muhenan encuesta a bisa cu nan a haya nan confronta cu e problemanan aki.

Pero cuater di cada cinco hende muhe bou di e edad di 35 aña a bisa cu nan a wordo molestia.. Den 34% di caso e intimidacion a envolvi fluitmento, mientras cu 35% di e casonan muhenan a bisa cu nan tabata someti na comportacion sexual of insultonan no desea. Na 2017 Amsterdam a vota pa prohibi e fluitmento y haci insinuacionnan sexual, pero tres homber aresta pa acosa a muhenan na e lago recreativo di Sloterplas na juni ultimo probablemente no lo enfrenta cargonan, Parool a bisa .

Tres a wordo aresta pa intimidacion sexual despues cu un polis cu ta haci investigacion confidencial a wordo recluta pa asina trata e kehonan di hende muhenan cu a wordo acosa mientras nan tabata coriendo of canando alrededor di e lago na oost di Amsterdam. Sinembargo como cu e statuutnan ainda no a wordo poni den practica ainda, tin poco posibilidad cu e hende hombernan no lo haya un castigo, esaki ta locual alcalde Femke Halsema a bisa e periodico.

OBHECION

Na 2017 Amsterdam a introduci pa prome biaha den statuutnan local cu ta prohibi intimidacion riba caya, pero e problema ta riba di dos luga desde cu Halsema a bisa cu e tin algun obhecionnan. “ E prohibicion di fluitmento ta trata solamente e sintomanan”, Halseman a bisa Parool na inicio di e aña. “ Bo mester uza educacion y deshaci di e idea cu e ta completamente normal pa grita muhenan riba caya”.

ROTTERDAM

Un prohibicion similar a ser haci na Rotterdam y varios caso a yega huicio. Na december 2018 un homber di Rotterdam di 36 aña di edad a ricibi un multa di 200 euro pa acosa dos hende muhe riba caya, den e prome condena di e tipo aki na Hulanda. E homber considera como un caso di prueba pa e departamento di fiscalia publico, a ser declara culpabel riba base di evidencia di e guardianan di caya na luga di keho di e muhenan mes y e caso a bay apelacion. E Conseho di Estado ta examinando actualmente un proteccion di ley nacional cu lo haci intimidacion cayehero un delito penal.