(AP)—Cuatro astronaut di cuatro pais a haya un lift back Tera cu SpaceX diamars pa trece un fin na un mision di mita aña na e International Space Station.
Nan a capsula a deriba riba Merca den oranan trempan di mainta y a cay den e Golfo di Mexico cerca di e Florida Panhandle.
Jasmin Moghbeli di Nasa, un piloto di helicopter militar, a lidera e tripulacion di Andreas Mogensen di Dinamarca, Satoshi Furukawa di Hapon y Konstantin Borisov di Rusia. Nan a muda den e space station den augustus aña pasa. Nan reemplasado a yega siman pasa den nan mesun capsula di SpaceX.
“Nos a laga pinda y tortilla,” Moghbeli a bisa via radio despues di sali for di e compleho orbitando dialuna. Loral O’Hara di Nasa a responde: “Mi ta sinti boso falta caba y danki pa e regalo hopi generoso.”
O’Hara tin un par siman mas na e space station prome cu e bin back Tera riba un capsula Soyuz di Rusia. Prome cu el a sali for di e space station, Morgensen a bisa via X cu e no por warda “pa tende parha canta den matanan” y tambe tin gana pa come cuminda crujiente.
NASA ta prefera varios opcion di biahe den caso di problema di raket. Boeing mester cuminsa provee servicio di taxi pa astronaut cu un prueba di vuelo di dos piloto na cuminsamento di mei.
