Diaranson atardi Minister di Turismo y Salud Publico Sr. Dangui Oduber a atende e ceremonia na ImSan pa entregamento di 4 ambulance nobo.
Inversionnan den cuido medico a percura pa cumpra 4 ambulance nobo. E 4 vehiculo di ambulance ta hopi moderno den tecnologia. Minister Oduber a señala cu na 2025 ImSan lo ricibi bijscholing pa e personal di ambulance y tambe nan lo haya curso di chauffeur, pero tambe curso di enfermero. Personalnan di ambulance tin un responsabilidad sumamente grandi pa brinda servicio na comunidad y pa salba bida di hende. Entrega di e 4 ambulance nobo aki sigur ta un noticia sumamente positivo den cuadro di mehoracion di cuido na Aruba.
Na aña 2022 tabata un aña cu hopi reto den salud publico caminda mester a sucede varios recorte. Sin embargo danki na e entrada di turismo, Aruba a conoce un recuperacion economico acelera cu a surpasa tur expectativa. Esaki a trece e espacio financiero cu a haci posibel cu AZV por a financia y cumpra ambulancenan nobo y cu tecnologia moderno, segun un comunicado di gobierno.
