Segun autoridad, mas o menos cuater persona a ricibi herida di bala diamars durante oranan di nochi, despues cu persona desconoci a los tironan na un fiesta di back to school na un campus na Atlanta. Un sospechoso a los tironan contra un multitud di 200 persona na un fiesta cerca di Biblioteca Robert W. Woodruff na e Universidad di Clark, cual ta un universidad historicamente Afromericano ubica den ciudad, WSB-TV a informa. E Departamento di Polis di Atlanta a bisa cu e tironan a ser interumpi pa 10:30pm. Esaki a sosode despues di un discusion entre dos grupo cu a asisti e fiesta.
Ta parce cu e dos grupo separa cu a ataca entre nan y studiantenan den e tiroteo, asina e Hefe di Departamento di Polis, William Rucker, a bisaWSB-TV. E rapportnan ta bisa cu un mucha muhe a ricibi un tiro na su pecho, mientras cu e otro victimanan tambe a ser alcansa pa e balanan.
E Atlanta Journal-Constitution a informa cu tur e studiantenan tawata hende muhe y tin edadnan entre 17 y 19 aña. “E investigacionnan inicial parce a indica cu a sosode un discusion entre e dos partido, prome cu e tiroteo a tuma luga” e Director di Asunto Publico di Polis di Atlanta, Carlos Campos, a bisa e corant. Ta parce cu e muhenan no tabata e obhetivo di e tiroteo. Dos di e studiantenan herida ta bay Spelman College y e otro dos ta di Clark Atlanta University, Polis a bisa.
Darryl B. Holloman, Vice Presidente di Asuntonan Studiantil di Spelman, a bisa cu e cuater studiantenan ta den condicion stabiel. Un usuario di Twitter, Zu La Reina, a skirbi: “Mi amiga Elyse Spencer a ser tira. E ta un studiante di prome aña na Spelman. Mi tabata wanta su man y nos a scucha tironan y nos a cuminsa core bay den diferente direccion. E ta den hospital awo; por fabor resa p’e”.
AJC tambe a informa cu Spencer tabata esun cu a ricibi bala den pecho. E Hefe di Polis Clark Atlanta, Debra Williams despues a pidi e studiantenan pa keda leu di e biblioteca durante e anochi, e comunicado a bisa.
