(NLTimes) – E cuarto Gabinete di Mark Rutte ta un hecho. Rond di 11:15am , tur Minister y Secretario di Estado a ser huramenta pa Rey Willem-Alexander.
Prome e Ministernan a huramenta, y despues e Secretarionan di Estado a huramenta den e Ballroom di e Palacio.
E Ministernan ken tambe tabata den e tercer Gobierno di Mark Rutte te na final, no mester a bolbe huramenta. Esaki ta conta pa Mark Rutte, Wopke Hoekstra, Carola Shouten, Hugo de Jonge y Kajsa Ollongren. E Secretarionan di Estado si a huramenta un biaha mas, aunke cu ya caba nan tabata eherce e funcion aki. Ministernan nobo cu tabata Secretarionan di Estado na final di e tercer Gabinete di Rutte, a ser pidi pa huramenta atrobe.
10 di e Ministernan a huramenta, incluyendo tur Minister y Secretario di Estado di e partidonan CDA y ChristenUnie. Secretario di Estado Aukje de Vries a pronuncia esaki den su propio lenguahe.
Minister di Finanzas y Vice Prome Minister den nomber di D66, Sigrid Kaag, a huramenta via yamada di video. El a ser forsa di keda cas pa motibo cu el a test positivo pa coronavirus durante e weekend.
E Gabinete anterior, consistiendo di e mesun cuatro partido, a traha den un capacidad di Gobierno interino pa casi 10 luna. Rutte IV tin full e poder un biaha mas. E formacion di e cuarto Gabinete Rutte a tuma e cantidad mas largo den historia parlamentario di Hulanda.
Pa prome biaha den historia di parlamento, Prome Minister su cuarto Gabinete tin e mesun cantidad di miembronan femenino y masculino. Den su di dos y tercer Gabinete e balansa tabata untiki mas miho compara cu e prome biaha el a drenta den oficina. Sinembargo, 60 porciento tabata homber y 40 porciento tabata muhe.
E averahe di edad di Minister den Rutte su Gabinete nobo ta 50 aña di edad. Cu 31 aña di edad, e Secretario di Estado nobo Maarten van Ooijen ta un di esunnan mas hoben den historia.
