Cu e obhetivo di trece bienestar na empleadonan; Fundacion Respaldo a firma CAO cu sindicato ABV

Ayera mainta Hendrikus van Gaalen director di Fundacion Respaldo conhuntamente cu presidente di sindicato ABV Gina Maduro a firma un CAO na unda a sigura cu e sindicato aki ta hopi profesional, nan ta compronde con Respaldo ta y tin e comprension cu un cos ta conecta cu otro.

“Bienestar di ABV ta conecta cu Respaldo su bienestar, e bienestar di Respaldo ta conecta cu e bienestar di clientenan y asina nos a papia cu otro di kico nos por haci cu e CAO aki y kico e tin di haber cu e bienestar di tur hende,” van Gaalen a señala. Inflacion ta bira un cierto cantidad loke ta nifica cu esnan cu tin un salario mas abou ta haya un porcentahe mas ariba den su salario y esey ta algo cu van Gaalen ta haya hopi great di e sindicato aki.

Di loke ta trata e CAO el a comenta cu tabatin cierto cosnan cu mester a cambia despues di e temporada cu nan a haya di scarsedad y den cual ainda scarsedad ta existi debi na pandemia Covid-19, e lista di espera, e problema di e afdeling verblijf unda aworaki nan por cambia un tiki e cosnan y nan por coregi algun puntonan como inflacion, jaar bonus, pensioen bijdrage y otro punto tambe ta cu nan por bira mas eficiente y realistico den cierto cosnan onregelmatigheidstoeslag y di tres ta cu nan ta bira mas prestatiegerecht unda nan ta considera cu no tin opcion y cu nan ta purba busca solucionnan inteligente y Respaldo tin cu bira mas eficiente “pasobra tin scarsedad y nos tin cu pone nos maneranan y medidanan na un bon luga,” el a bisa.

Nan tambe ta mira cu den e newhuwelijk wetboek, si e definicion di e relatie partners tambe ta inclui den e addendum aki y di ultimo cu esaki ta un CAO addendum humano debi cu nan ta compronde cu por ehemplo, si un mayor di un empleado ta fayece, den cierto trabounan e empleado ta haya tres dia so, pa loke van Gaalen a bisa “cu ta cortico” y cu den futuro por ta nan ta bay wak esaki no solamente pa mayornan sino pa rumannan tambe y den luga di tres dia nan ta bay haya cuater dia liber pa por surpasa e perdida di un ser asina importante di e famia.

Di su parti, Gina Maduro presidente di sindicato ABV a menciona cu nan ta masha contento cu nan a firma un protocol den nomber di ABV hunto cu Respaldo despues di tur e turbulencia cu Respaldo a enfrenta cu no tabata momentonan facil unda diferente situacionnan ya ta conoci cu hasta un departamento mester a cera pero, los di tur e situacion aki nan por e yega na palabracionnan na unda tin mehoracion pa e condicionnan laboral, primario y secundario pa e trahadonan miembronan laborando na Respaldo.

Un di e puntonan cu Maduro a trece dilanti di forma mas detaya, a bisa cu nan tabata push loke ta e prima di pensioen, cu den penultimo protocol tabata cu e lo wordo hisa gefaset pero door di e recorte di 5,5% e empleadonan mester a entrega y el a wordo vroren . Pero aña pasa na luna di october, manera el a indica e pensioen contract a vence y nan tin cu negocia un pensioen contract nobo loke ta pone cu e urgencia tabata pa firma e CAO aworaki prome cu e periodo pa yega e 10% na unda cu e trahadonan werkgevers premie ta bira 10% y e werknemers premie ta bira 5% loke ta bira un total di 15% cu ta igual cu hospital y ImSAN unda nan por negocia e pensioen contract mas comodo y mas husto.

“E bedoeling ta pa nos tene y nos ta purbando como ABV door cu nos ta un sindicato y nos ta den instelling di Respaldo, nos ta den hospital, nos ta den ImSan y nos kier tene tur e condicionnan aki gelijk”, Maduro tambe a señala cu esun cu a keda atras ta Respaldo y aworaki cu e firmamento aki esey ta bay in met terugwerkende kracht entrante 1 di januari na unda e ta bira 15% y aki un par di luna nan por negocia e pensioen contract husto unda cu e trahadonan di Respaldo tambe merece e 15% y un mehoracion di nan pensioen contract.

Otro puntonan cu nan a trece dilanti ta e parti di inflacion door cu aña pasa esaki tabatin e cifra halto di 7% na unda cu esey ta un di e puntonan cardinal cu nan a propone, cu ora tin inflacion mester mehora e salario y e ora ey nan a yega na un acuerdo cu un suma di 105 florin como cantidad fiho cu ta yuda esnan cu tin un salario mas abou.

Ademas, el a papia di un otro punto cu pa añanan nan ta mira cu no tin mehoracion ta e bereikbaardienst cu pa añanan ta 25 florin pa dia cu den dianan aki e suma no ta van deze tijden na unda nan a yega na un acuerdo cu en bes di 25 florin e lo bira 40 florin pa dia. Loke nan ta haya mas importante di e union aki ta cu nan t’ey pa nan miembronan segun Maduro a sigura, cu ora ta cera un CAO e ta conta pa tur hende hasta e no miembronan, “mi ta kere tur sindicato ta mak mee e parti di si un trahado ta miembro of no miembro, pero nos ta wak den practica cu no ta kies pa bira miembro pero cu nan a haya den situacion, e ora ey e ta core y bira miembro,” Maduro a comenta.

Pa e motibo aki nan ta papia di un sign bonus solamente pa miembronan lo cual ta bay stimula e trahadonan pa bira miembro pa motibo cu di tur e condicionnan nan ta bay disfruta di dje y no ta husto pa e miembronan cu si ta afilia na e sindicato ta haya tur e condicionnan. Fundacion Respaldo na aña 2021 a bati alarma pa e situacion preocupante cu sector di salud mental tabata pasando na e momento ey unda nan mester a stop algun servicio pa motibonan financiero.

Di esaki, van Gaalen a menciona cu e situacion financiero na e momentonan aki ta mas hopi stabiel cu antes bayendo den bon direccion, “e problema di salud mental na Aruba ta keda pasobra tin hopi hende cu ainda tin problema y tin wachtlijst ainda por ehemplo di kinder unity certificatie ta cabando aworaki, casi e no tin wachtlijst mas y ta bay habri e portanan atrobe pero bo ta wak na Aruba cu pa hopi biaha un psicologo ta bin di afo y bay bek atrobe y esey ta bay keda un problema structural cu nos ta papiando y pensando riba con pa soluciona esaki.”