(NLTimes) – E ciudad di Amsterdam, conhuntamente cu e division local di polis y Public Prosecution Service, a anuncia cu nan lo prohibi e protesta contra e pais su medidanan di coronavirus cu tabata planea pa tuma luga riba diadomingo.

E manifestacion a ser organisa pa Samen voor Nederland y lo a tuma luga na Museumplein.

Anteriormente, e organisaction a bisa cu nan ta premira 25,000 manifestante tin intencion di marcha den e ciudad. Apesar di e ciere total, e ciudad y autoridadnan local ta dispuesto di permiti e demostracion cu bao condicion cu lo permiti solamente 3,500 persona participa, sin marcha y durante un tempo limita. E cantidad maximo di persona tabata basa riba e ciudad su calculacion di cantidad di persona cu lo por mantene un distancia di 1.5 meter na Museumplein.

E organisacion a nenga di coopera pa medio di garantisa un manifestacion sigur y ordena, e ciudad a bisa. E manifestantenan tambe a anuncia cu nan tin intencion di busca confrontacion, y no lo obedece e restriccionnan di coronavirus, segun e municipalidad.

E ciudad tambe a bisa cu e cuerpo policial tin indicacion fuerte cu individuo y cierto gruponan tin intencion di causa desorden publico riba diadomingo, y ta prepara pa usa violencia. Nan tin plan di infiltra den e otro manifestantenan cu no tin e intencionnan aki, cual ta un situacion cu a tuma luga caba contra di medidanan di coronavirus den november na Rotterdam. E incidente a caba na violencia, cu manifestantenan tirando piedra y klapchi contra polis, unda cu cuerpo policial mester a los tiro riba nan. Varios a keda herida durante e violencia, y centenares di oficial a ser rekeri di restaura ordo.

“Nos ta lidiando cu un situacion excepcional pa causa di e avance rapido di e variante Omicron y e ciere den cual nos ta actualmente,” Alcalde Femke Halsema a expresa. “Residentenan di Amsterdam ta kedando cas lo mas cu ta posibel, negociantenan mester a cera nan negoshi, teatro y cinema ta cera. E libertad di manifesta ta un gran habilidad na Amsterdam y pa e motibo aki nos a haci tur esfuerso posibel pa acomoda e organisacion. Sinembargo, tin un menasa cu nan lo crea un situacion irresponsabel.”

E autoridadnan a entrega un apelacion urgente na e organisacion y otro manifestantenan pa no bini na Amsterdam. Si nan no cumpli, nan lo mira nan mes obliga di interveni.

E prohibicion riba e manifestacion ta bini un dia despues cu unionnan di cuerpo policial a anuncia cu durante e manifestacion polis lo stop di traha na Amsterdam. E intencion di e accion aki ta parti di e Wake-Up Call 2022, cu un serie di welga haci pa miembronan di e union di polis pa trece enfoke riba e problema di capacidad di cuerpo policial. E prome welga a tuma luga diamars pa oficialnan na Aliens Police den Ter Apel.