Usuarionan di e crypto exchange Canades, QuadrigaCX, no por haya acceso na mayoria di nan fondonan, segun CoinDesk, pa un motibo desafortuna: e fundado di e exchange, Gerald Cotten, a fayece recientemente, y e tabata e unico cu tabata sa un contraseña vital.
E website di QuadrigaCX a cay y e compania a entrega un peticion di proteccion di acreditado, bisando cu e tabata purbando di atende cu ‘asuntonan di likides’. Den documentonan di corte, esposa di Cotten ta bisa cu e compania ta debe su usuarionan CAD $250 miyon (USD $190 miyon), y pa proteha su usuarionan for di hackernan, un porcion di e coins di e usuarionan a wordo poni den un ‘cold wallet’, un aparato fisico cu no ta conecta na internet. Cotten tabata e unico persona cu acceso na e aparato, segun su casa, y e no tin e contraseña pa esaki. E compaina tambe tabatin cantidad di problemanan di banco y di proceso di pago, cu algun otro organisacion reteniendo fondonan di QuadrigaCX.
Usuarionan ta skeptico di e declaracionnan di e exchange, cu algun experto notando cu algun di su cold wallets ta activo desde cu e problemanan a wordo publica. Sinembargo, si e compania en berdad a pone su crypto monedanan den un aparato cu awo no ta accesibel, ta mustra probabel cu miles di usuarionan nunca lo por recupera nan fondonan.
