(NLTimes)—Cruz Cora ta yama na tur gobierno pa prepara pa calor extremo. E organisacion di ayudo ta aboga pa implementacion di medida awo, bisando cu calor extremo no ta leu mas. “Si nos no adapta, nos por spera un aumento den morto pa via di e calor den e proximo añanan cu ta bin,” segun Fleur Monasso, gerente di programa na e Centro di Clima di Cruz Cora na Den Haag.
Na comienso di e siman aki, un estudio a ser publica cu a mustra cu mas cu 61.000 hende a muri como resultado di e calor durante zomer Europeo aña pasa. Si no haci nada pa proteha hende for di temperaturanan aumentando, aproximadamente 68.000 hende por muri durante cada zomer na Europa pa 2030, segun e investigadonan a calcula. E cantidad ey lo sigui aumento den e proximo añanan.
Actualmente ta haci hopi calor den varios parti di Europa. Siman pasa tabata e siman mas cayente den historia global, segun e Organisacion Global Meteorologico (WMO) y juni tabata e juni mas cayente den historia. Ta bay ta demasiado calor den e parti sur di Europa den e dianan binidero, y e mercurio por subi riba 45 grado na Italia y Spaña.
“Olanan di calor tambe ta entre e desasternan natural mas peligroso cu nos ta enfrentando,” segun Monasso. “Cambio di clima ta aumento a probabilidad, intensidad, frecuencia y e duracion di e olanan.” P’esey Cruz Cora ta yama pa gobiernonan rond mundo tuma accion.
E organisacion tambe a presenta algun recomendacion. Nan a bisa cu lo ta bon pa gobiernonan inverti den e plannan di calientacion local y ciudadnan mas berde cu mas mata, parke y areanan cu sombra. Tambe mester duna atencion na e gruponan mas vulnerabel den e poblacion, manera ancianonan, esnan cu ta cronicamente malo y mucha chikito. E gruponan aki mester ser informa den avance si un ola di calor ta biniendo.
Hende cu ta traha pafo mester cuminsa nan tareanan mas trempan den dia, y mester tin suficiente break y fuentenan di awa, Cruz Cora a menciona como un otro ehempel.
